Admin
Admin
 
العمر : 57
سجّل في : 06 مارس 2008
عدد المساهمات : 43
محمد المغربي : ![]()
|  موضوع: الاخير من "عاصفة البقر" م 5  السبت أبريل 19, 2008 3:09 pm | |
| ليلى : لأ
علاء : مساعد عبد السلام خد كام عسكري و خوشوا زريبة الحاج يوسف .. و تعالوا بسرعة قولوا اللي شفتوه قوام ( المساعد بنفذ و يتوجه للزريبة )
العمدة : ( مرتبكاً ) يدخلوا الزريبة على إيه دا كله يا علاء بيه ما تسيب البهايم في حالها و نقعد نبحث في موضوع ال11 بهيمة المختفية أحسن
علاء : ما إحنا كده و لا كده هانقعد نبحث كل حاجة ..
العمدة : آني مانيش فاهم إيه لازمة التعب ده كله .. احنا نتكلم في البهايم اللي إختفت يمكن نوصل لنتيجة بتحرياتنا و تحرياتكم ..
علاء : كلها خمس دقايق و يتنفذ طلبك يا عمدة ..
ليلى : ( هامسة لفاطمة لكن العمدة يلحظها ) روحي إنتي يا فاطمة لحسن في حاجات كتير هاتحصل هنا دلوقت ..
العمدة : فيه إيه يا ست الدكتورة هو فيه حاجة تستخبي على عمدة البلد .. ؟
ليلى : أبداً بقول لها تروح .. تروّح مالهاش لازمة هنا ..
فاطمة : لا لازم أقف جانبك يا دكتورة
العمدة : ماتروحي يا بت و بلاش لماضة
نعيم : ( متدخلاً ) هو الوقوف هنا ممنوع يا عمدة ..
العمدة : الله .. الله .. الله .. و إنت إيش حشرك في الكبار يا وله ..
نعيم : ما إنت عارف إن فاطمة خطيبتي
العمدة : ما آني عارف .. بس الدكتورة بتقولها تروح مالهاش لازمة هنا ..
نعيم : لكن فاطمة شايفة إن ليها لازمة و واقفة جنب الدكتورة .. تحميها ..
العمدة : تحميها من إيه يا وله ؟
ليلى : أسكت يا نعيم .. مالكش دعوة إنت .. تعالي يا فاطمة لازم يا حبيبتي تروحي دلوقت حالاً
فاطمة : أنا خايفة عليك يا ست الدكتورة ..
العمدة : لا حول ولا قوة إلا بالله .. خايفة عليها من إيه يا مفعوصة إنتي ؟
نعيم : ( مستفزاً ) جرى إيه يا حضرة العمدة .. فاطمة خطيبتي شافت كل .. ( تجري الدكتورة لتمسك فمه )
ليلى : إنت هاتخرس و لا .. لأ
نعيم : حا ... ( هنا يعود المساعد عبد السلام و معه الجنود مهرولين )
المساعد : علاء باشا .. مفيش و لا صريخ بن يومين في الزريبة ..
علاء : حلوة دي .. و لا بهيمة في الزريبة .. يعني مش بس ال11 إيه رأيك يا عمدة ؟
العمدة : ( بلا إكتراث ) علمي .. علمك .. و رأي رأيك
علاء : ثانية واحدة .. ( يتنحى جانباً ليتحدث في التليفون في اللحظة التي يدخل بها أربعة مجندون من الشباب و يحملون أسلحتهم أيضاً )
الشباب : السلام عليكم يا جماعتنا .. إزيك يا نعيم ..
نعيم : ( متهللاً ) إزيكو يا ولاد الذين جيتوا في وقتكم .. دانتو بقالكوا كتير مانزلتوش أجازات ..
جندي (1) : أصلهم كانوا بيدربونا تدريب مكثف علشان حاجات غريبة كده سمعنا إنها بتحصل في البلد ..
جندي (2) : حتى هما إدونا الأجازة دي و سلاحنا معانا المرة دى علشان نبقى مستعدين في أي وقت
نعيم : لكن أنتوا طولتوا قوي
جندي (3) : مش بإيدنا يا نعيم العسكرية علمتنا الإلتزام و الإنضباط و مجرد ماسمحولنا بالأجازة نزلنا على طول ماعوقناش ..
جندي (4) : بس نزلنا و معانا سلاحنا و تنبيهات بإننا نفتح عينينا لأي حاجة غريبة بتحصل في البلد ..
العمدة : و هو فيه إيه غريب بيحصل في البلد .. دا الكفر كلاته ماشي زي الساعة مافيهش حاجة واقفة .. كله شغال و الأمور عال العال ..
جندي (1) : أهو من باب الإحتياط .. لكن إحنا مبسوطين اللي شفناكم بخير ..
فاطمة : بخير .. (بإستنكار ) ( فتمسكها الدكتورة من يدها ) ( و يلتفت العمدة إلى خميس و عويس و حمدان )
العمدة : دي المسألة فيها إن .. يا ولاد .. ( يغمز لعويس و حمدان و خميس فيضعون يدهم على بنادقهم يتحسسونها ) مالك يا بت بتعلقي على كلامي كتير ليه .. جاتك خابط .. ؟
نعيم : بعد الشر يا عمدة .. بعد الشر عليها من الخابط
فاطمة : إنشاء الله الخابط ييجي للي بيضر أهالينا
العمدة : بتبربني بتقولي إيه يا بت .. علّي صوتك ( عويس و خميس و حمدان يعودون لتحسس بنادقهم )
علاء : ( منهياً مكالمته ) يا عمدة مش إنت و الغفر بتوعك اللي كنتو مكلفين بحراسة زريبة المواطن يوسف .. بناءاً على المحضر السابق ..
العمدة : إييــــوه ..
علاء : بإسم القانون ... معايا أمر تليفوني بالقبض عليك يا عمدة أقبضوا عليه يا عساكر ( الغفر يحاولون مقاومة أمر القبض على عمدتهم )
علاء : مافيش فايدة من المقاومة عساكرنا كتير .. سيبونا ناخد العمدة لوكيل النيابة علشان القانون ياخد مجراه ..
العمدة : ( العمدة لرجاله ) بلغوا شلبي بيه و مس كوندي حالاً يا غجر ..
( علاء يأخذ العمدة و رجاله منسحباً من المسرح ) ( عويس يقوم بإخراج جهاز لاسلكي من بين طيات ملابسه ساعده في تركيبه حمدان و خميس )
حمدان و عويس و خميس : إلحقونا .. إلحقنا يا مستر شلبي .. إلحقينا يا مس كوندي .. قبضوا على العمدة كمان ..
( الدكتورة و فاطمة و نعيم و الجنود الأربعة يشاهدون ما يحدث – يجهز الجنود أسلحتهم يجري نعيم إلى جانب المسرح ليحضر فأساً و شرشرة و شومة و يسلم الدكتورة و فاطمة إتنين و يحتفظ بالثالث ، يقومون بالتراجع إلى مقدمة المسرح بإتجاه الجمهور مشكلين حرف v رأسه بإتجاه الجمهور تسمع أصوات طائرات الهيلوكبتر و إنفجارات و تنطفأ أنوار المسرح عدا سبوت على حرف الv و أنوار الألترا تبدأ في السطوع على قرون القادمين متجمعين على خشبة المسرح ) ( كل من يمكن جمعه من فريق التمثيل و الإداريين و قد إرتدوا القرون ) مشكلين هم الرقم 8 و تخفت أصوات الإنفجارات و الطائرات للحظة نسمع فيها صوت كوندي )
كوندي : لقد جئنا لمنع الظلم الواقع على مواطنيكم و للقضاء على الإرهاب و لإعطاء حقوق الإنسان كاملة لعمدتكم الطيب و لزكريا و للآخرين
( تعود أصوات الطائرات و الإنفجارات و صفارات الإنذار و يتقدم الغزو البقري نحو مجموعة الحرف v الذي ينسحب تدريجياً و هو يشهر جيمع أسلحته في مواجهة البقر و متراجعاً نحو الجمهور حتى يلتحم أفراد الحرف مع الصفوف الأولي فينطفأ المسرح مع صرخة ): الله أكبر ..
ــ ســـــــتـــــــــار ــ
تمت بحمد الله
17 رمضان 28/9/2007
الساعة 2,30 ليللاً
_________________
جميلٌ أنت في حليّ وترحالي |
|
محمدأسامة
 
العمر : 50
سجّل في : 07 مارس 2008
عدد المساهمات : 51
الموقع : http://elbahaey.blogspot.com
محمد المغربي : ![]()
| | موضوع: رد: الاخير من "عاصفة البقر" م 5 الأحد ماي 04, 2008 5:56 am | |
| سنحتاج لقراءتها كاملة
أستاذنا الجليل
محمد المغربى
من خلال نقلها لأجهزتنا لأن التعامل مع الشاشات وألوان الكلمات شئ مرهق للغاية هنا
على وعد باللقاء وطرح التفصيل حولها
هنــــــــا
على متصفح نادى الأدب
دام بوحك
محمدأسامة |
|
Admin
Admin
العمر : 57
سجّل في : 06 مارس 2008
عدد المساهمات : 43
محمد المغربي : ![]()
| | موضوع: شكراً لمتابعاتك الإثنين ماي 05, 2008 4:31 pm | |
| اسامه البهائي اشكرك كثيراً لمثابرتك
وانا بانتظارك ناقداً
محمد المغربي
_________________
جميلٌ أنت في حليّ وترحالي |
|
