..اعراض ضميرى الملتهب..

اعراض ضميرى الملتهب زادت عليه فى رقدتى
ولقتنى عاجز عن مواصلة باقى طاقتى فى العلاج
ودخات مرحلة الخطر .
مزنوق فى نفسى بمبدأى,
بس اللى اخطر م النتيجة فى حسبتى
تغير جيناتى القابلة دايما للخضوع
فى ملف تحليل الزمن..
خليتنى عايش وسط جيل الضعف
وارث من بقايا النخوة فى ضماير ورق
محفوظة جوه التلاجات من عمر غيبوبة الوجود..
خلت حدود الدايرة اوسع من مضادات الحياة بالاكرامية..
وفضلت شارد بيه عن باقى القطيع
لحسن خلايا العدوى بانت
وسط جلد الجزمة وطروف الكيان..
وبقيت بفكر بين متابعة كشفى على امل الرجوع
ولا انفد بأخر حبة فاضلين من ضميرى..
ماانا شوفت غيرى بيبنى بين ضلعى الاخير برجه الرخام
وعملى دور مسروق فى ارضى
عشان عقودى المستباحة ناقصه امضا وكام ضمان..
ومانيش ببان من ضمن معايير النظر
مع انى كاتب اسمى بالبونط العريض
عشمان ضميرى اللى انكسر من باقى مرجلتى العبيطة
يلاقى ترياق الاوادم
لحظة الاحساس برعشة جتتى بين الحياة والموت...